Постојат шанси лидерите на политичките партии денеска во 13 часот да се сретнат во Клубот на пратеници и да направат нов обид за излез од политичката криза.
Сè уште се договараат деталите за средбата.
Ако пропаднат договорите за форматот на новата влада и за другите детали, денешната лидерска средба би се одложила за друг термин кога ќе има нешто околу што партиите и лидерите се согласуваат.
Како што пишуваат медиумите денеска, освен заедничка средба, лидерите ќе имаат и поединечни средби со претставници на меѓународната заедница.
Неизвесно е дали лидерите ќе ги доближат ставовите за преодната влада, како и за реорганизацијата на институциите што се во надлежност на извршната власт.
