Повеќе од 800 осомничени припадници на Ал каеда се убиени во офанзивата на јеменската војска против џихадистите на југот на земјата, соопшти денеска арапската коалиција, предводена од Саудиска Арабија.
„Операцијата е окончана откако се убиени повеќе од 800 припадници на Ал каеда, меѓу кои и лидерите на организацијата“, се наведува во соопштението на коалицијата.
Јеменските војници почнале операција од југот да ги протераат борците на Ал каеда и на Исламска држава, кои ја зазеле крајбрежната област во екот на граѓанската војна во Јемен. Воените претставници рекле дека вчера ја презеле контролата над градот Мукала, упориште на Ал каеда од април 2015 година.
Во Јемен веќе цела година трае војната меѓу приврзаниците на меѓународно признаената влада и шиитските бунтовници Хути, сојузници на претседателот Али Абдулах Салех, кој ја ужива поддршката на Иран.
