!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Непознат маж пронајден починат во бараките на Министерство за здравство


Скопје, 14 март, 2017 - 15:26 (META) 

Во бараките на Министерството за здравство, веднаш до Средното медицинско училиште „Панче Караѓозов“, вчера било пронајдено мртво тело на непознат маж.

Како што соопшти МВР, по наредба на јавен обвинител телото е предадено на обдукција.


Куќата на доктор Караѓозов предадена на штипскиот универзитет


Штип, 13 јуни, 2016 - 17:06 (META) 

Старата куќа во типичната новоселска архитектура на познатото лекарско семејство Караѓозови, денеска беше предадена во сопственост на Универзитетот „Гоце Делчев“ од Штип. По реновирањето, универзитетот таму ќе го смести Факултетот по историја и археологија.

Куќата е градена во 19 век и е во прилично лоша состојба. Во неа се родил основоположникот на македонската современа хирургија, д-р Панче Караѓозов. Последните години е напуштена, откако еден период биле сместувани семјства кои немале покрив над глава. Куќата се наоѓа веднаш зад новата црква, чиј ктитор е поранешниот директор на Управата за безбедност и контраразузнавање, Сашо Мијалков.

На предавањето на донацијата, наследничката на познатиот хирург, Катерина Караѓозова, рече дека ова е начин семејството да му се оддолжи на градот, кој е познат по лекарите и по квалитетниот медицински персонал.

– Градот даде многу познати лекари стручњаци. Сакаме таа традиција да се одржи – рече Караѓозова.

Според најавите на универзитетот, за идната година се очекува почетокот на реконструкцијата, откако ќе се добијат сите дозволи, бидејќи куќата е заштитен споменик на културата.