!Më 1 shkurt 2017, përfundon periudha promovuese për shfrytëzim të lirë të lajmeve të “Meta”. Në periudhën e ardhshme do të zbatojmë sistemin e ri për qasje dhe parapagesë. Për mënyrën e qasjes dhe parapagesës do të ju njoftojmë në mënyrë plotësuese.

Gruevski: Nëse BDI mashtron VMRO DPMNE-në dhe shkon me LSDM-në, do të ketë pasoja në të ardhmen


       
Shkup, 9 Janar, 2017 - 0:01 (META) 

Lideri i VMRO DPMNE-së, Nikolla Gruevski në intervistën e re, këtë herë për numrin e nesërm të “Dnevnik”, thotë se do të tentoj të formojë qeveri, por jo me çdo kusht.

Lidhur me perceptimin se po krijohet atmosferë që partitë shqiptare të mos bëjnë koalicion me VMRO DPMNE-në, Gruevski thotë se vendimin e sjellin vet partitë dhe se askush s’ka të drejtë të thotë se dikush tjetër ka sugjeruar apo i bën presion sepse fundja vendimi është personal.

Në rast BDI të mos bëj koalicion me VMRO DPMNE-në, por me LSDM-në, Gruevski thotë se kjo do të ketë pasoja në të ardhmen.

“Nëse VMRO DPMNE, si parti fituese, del e mashtruar nga BDI, pa marrë parasysh arsyet për këtë, të jini të bindur se së shpejti VMRO DPMNE do të kthehet në qeveri edhe atë më së paku dy mandate me radhë. Dhe do të jemi pa obligime gjatë përpilimit të qeverisë” thotë Gruevski.