Спречен шверц на 507 килограми кафе на македонско-албанската граница


       
Тирана, 22 ноември, 2016 - 13:45 (META) 

Жител на пограничното село Долна Ѓурица синоќа се обидел да прошверцува 507 килограми кафе од Македонија во Албанија, но бил спречен од албанската гранична полиција.

Кафето било натоварено во комби, со кое осомничениот Б.Т. (51) успеал да ја мине државната граница, во близина на селото Вичишта, кај Дебар, но бил забележан од полициската екипа.

Откако зебележал дека полицијата го следи, возачот го напуштил комбито и успеал да побегне.

Албанската полиција трага по Б.Т., кому се заканува кривична пријава поради недозволена трговија на акцизна стока.