!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

СДСМ: Јавниот долг е намален за 31,4 милиони евра во однос на првиот квартал


       
Скопје, 17 август, 2017 - 11:30 (META) 

Со празните обвинувања за наводно трошење на девизните резерви, ВМРО-ДПМНЕ покажува основно непознавање на управувањето со финансиите, бидејќи се работи за плаќање преку единствената државна сметка на кредитите и доспеаните рати за стари долгови, се вели во реакцијата на СДСМ на соопштението на ВМРО-ДПМНЕ.

Во него се додава дека „ВМРО-ДПМНЕ не може да се помири со очигледната разлика во управувањето со државните пари.“

„Преку одговорно и транспарентно работење, владата предводена од СДСМ го исплати долгот кон „Дојче банка“ во висина од 77,3 милиони евра, а јавниот долг го намали за 31,4 милиони евра во однос на првиот квартал“, се додава во соопштението.