Триесет и осумгодишниот Горан А. од Македонски Брод го загубил животот во сообраќајна несреќа што вчера претпладне се случила на регионалниот пат Македонски Брод – Кичево, кај местото Глана, соопшти полицијата.
Сообраќајната несреќа се случила околу 11.30 часот, кога Горан А., кој управувал комби со кичевски регистарски ознаки, од засега непознати причини, изгубил контрола над возилото, удрил во дрво и потоа паднал во река. Спасувачки екипи го извлекле безживотното тело на возачот, а смрт констатирал лекар во Медицинскиот центар во Прилеп.
Увид на местото извршила полициска екипа од Македонски Брод.
