Младите музички уметници (пејачи и инструменталисти) на возраст до 14 години, кои сакаат да учествуваат во програмата по повод Меѓународниот ден на џезот – 30 Април – имаат рок до 25 април (сабота) до 15 часот да се пријават со краток видео запис од изведба на една џез песна или песна од неопределен жанр на електронската адреса [email protected] или преку Facebook Messenger на страната на Здружението на Џез музичари и слободни уметници (ЗЏМ).
„Станува збор за интерактивна џез-работилница, на која ќе се изработат неколку џез-композиции кои, a по завршувањето на работилницата, ќе бидат претставени преку заеднички видеозапис од учесниците. Учесниците ќе бидат селектирани од членови на ЗЏМ. Работилницата ќе биде поделена на неколку термини со групна и поединечна настава“ – информираат од ЗЏМ.
Услов за учество е можност за онлајн видео комуникација, можност за аматерски аудио/видео запис и надзор од родител или старател.
