fbpx

Загина синот на експратеникот Мукоски во сообраќајна несреќа, улиците на Вевчани празни за познатиот карневал

Градоначалникот на Вевчани изјави дека вечерниот концерт од познатиот Вевчански карневал е откажан и дека речиси и да не видел маскирано лице

-

Вчеравечер возило управувано од 19-годишниот М.М. излетало од колосек на регионалниот пат кон Вевчани, соопшти Министерството за внатрешни работи. Во несреќата починал возачот, кој е син на експратеникот Крсте Мукоски, кој потекнува од Вевчани.

Оваа трагедија го шокира Вевчани, каде вчера започна познатиот дводневен Вевчански карневал, кој секоја година се одржува на Василица и претходниот ден, односно на 13 и 14 декември. Денес, улиците на градот се празни.

„Поради трагедијата која се случи вчера во Вевчани, во сообраќајна несреќа ни погина млад член на Вевчани, можете да забележите и сами, улиците во Вевчани никогаш не биле во ваква состојба на 13 јануари. Скоро се празни. Скоро и да не забележав маскирано лице. Вевчани е мало место, сите сме како една фамилија и вакви немили настани нè потресуваат. Вечерашниот концерт е откажан“, изјави Спасе Кочовски, градоначалникот на Вевчани.

Кочовски изјави дека дефилето ќе се одржи во некаква минимална состојба и дека рестораните ќе работат, но без музика.

„Јас не го препознавам Вевчани вакво, навистина ми е жал за овој трагичен настан. Би сакала да изразам сочувство до фамилијата – за жал знам како изгледа таа болка. Дојдов денес тука за да видиме со градоначалникот што ќе се случува. Она што ќе одлучат граѓаните на Вевчани да се случува, тоа и ќе се случува. Од наредната година, традицијата ќе продолжи понатаму“, изјави министерката за култура Бисера Костадиновска-Стојчевска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЦУК: Спасен овчар и стотина негови овци, биле заглавени на остров на надојдената Црна Река

Центарот за управување со кризи соопшти дека е спасен овчар кој, заедно со неговите овци, ненадејно се нашол на речен остров, откако реката Црна надошла. „На Единствениот број за итни...