Водата во ОУ „11 Октомври“ во општина Центар е хемиски и бактериолошки исправна за пиење, соопшти портпаролот на ЈП „Водовод и канализација“, Благоја Филиповски.
Ова го покажале резултатите од испитувањето на шест мостри од водата од шест различни места во училиштето, кои биле испратени во Центарот за санитарна контрола и надзор на ЈП „Водовод и канализација“ Скопје.
Дел од земените мостри биле од одделот каде што биле пријавени најмногу ученици дека биле затруени.
Основно училиште „11 Октомври“ e затворено за настава поради зголемениот број болни деца. Училиштето ќе биде затворено додека целосно не се утврди причината за сè почестите случаи на заболувања.