За парламентарните избори во Иран регистрирани се речиси 12.000 кандидати, вклучително 1.200 жени.
Неколку поранешни минстри и пратеници, внук на командантот на иранските елитни сили, Касем Солеимани, и еден од синовите и ќерката на поранешниот претседател на Иран, Али Акбар Хашеми Рафсанџани, се меѓу нив. На последните парламентарни избори во 2012 година, околу 5.000 кандидати бараа мандати. Изборите за 290 места во парламентот ќе се одржат на 26 февруари 2016 година.