fbpx

Во акцијата на „Табановце“ уапсени командир, заменик командир и шест полицајци

-

Поради злоупотреба на службената положба во синоќешната полициска акција на граничниот премин „Табановце“ се приведени командир, заменик командир, раководител на смена и шест полицајци, изјави денска на брифинг со медиумите министерот за внатрешни работи Оливер Спасовски.

Спасовски рече дека биле извршени претреси во кабините на граничниот премин, како и во домовите на деветмината уапсени со цел да бидат пронајдени предмети кои потекнуваат од кривичните дела.

„Стратешка цел е борбата против корупцијата.Вработени во јавни установи кога преземате мерки во делот на корупцијата не може да се изземете самите себеси, една од целите е јакнење на интегритетот на полициските службеници. Тоа што вчера се случуваше е дел од тоа. Вчера имавме 9 лица уапсено, ова го работеше одделот за спречување на организиран криминал, злоупотреба на службената положба и поткуп од „Табановце““, рече Спасовски на денешниот брифинг.

Министерството за внатрешни работи (МВР) синоќа спроведе акција на македонско-српската граница во координација со Обвинителството за гонење на организиран криминал и корупција.

Порталот „А1он“ објави дека во акцијата биле пронајдени пари во кутии од цигари во кабините на полицајците на македонско-српската граница. Службениците кои во текот на вечерта биле однесени во Кривичниот суд, негирале вина и тврделе дека кутиите им биле подметнати.

Поради вчерашната акција на МВР и обивнителството за организиран криминал на граничниот премин „Табановце“ се создадоа километарски долги колони од двете страни на границата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Законот за реорганизација на министерствата го поддржаа 88 пратеници, меѓу кои и од ДУИ

Не е вистина дека за измените на Законот за организација и работа на органите на државната управа, предложен од Мицкоски, гласале 81 пратеник и дека истиот не добил поддршка...