fbpx

ВМРО-ДПМНЕ: СДСМ прави низок обид да дојде до власт по секоја цена

-

СДСМ продолжува со своите правно неаргументирани и неиздржани пријави базирани на манипулации, до Јавното обвинителство, за да ја дефокусира јавноста од скандалозното и деструктивно сценарио што го спроведува Зоран Заев, пишува во реакцијата на ВМРО-ДПМНЕ по повод денешната изјава  на Дамјан Манчевски од СДСМ.

Од ВМРО-ДПМНЕ наведуваат дека денеска таа задача му била доверена на Дамјан Манчевски, кој, како што велат од владејачката партија,  јавноста го знае по две работи – првата е аферата со паркинзите во Куманово, каде неговата фирма доби тендер од околу 400.000 евра од неговиот сопартиец и градоначалник на Куманово, и второ по тоа што за најголем свој успех го смета фактот дека е десна рака на Радмила Шекеринска и „аминџија“ на сите нејзини погубни политики.

– Ете со ваков човек СДСМ се обидува да ја манипулира јавноста. СДСМ наместо да прави алиби за штетата која им ја нанесува на Македонија и на граѓаните, треба да одговори на десетиците прашања што јавноста ги има кон нив, а се поврзани со секојдневните лаги кои ги пласираат и сами си ги демантираат. На сите им е јасно дека СДСМ направи крајно низок обид да се добере до власт по секоја цена, без поддршка од народот, без избори, користејќи креирани и сечени материјали, добиени на криминален начин од некој кој не ѝ мисли добро на Македонија – пишува во реакцијата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ВИДЕО) Денот на Општина Тетово се одбележа со отпадоци и со депонии

Денес се одбележа денот на Општина Тетово, а повеќе од една недела градот се гуши во отпадоци и депонии расфрлани насекаде. Решение за овој проблем немаат ниту општинските власти,...