fbpx

ВМРО-ДПМНЕ не го открива претседателскиот кандидат, ќе го бираат на конвенција

Партискиот претседател Христијан Мицкоски при денешната посета на општина Ресен, на новинарско прашање во однос на тоа дали ќе биде маж или жена кандидатот за претседател на ВМРО-ДПМНЕ, одговори дека партијата има сериозна внатрешна процедура, а преку организирање на изборна конвенција делегатите ќе го изберат самиот кандидат

-

Опозициската партија ВМРО-ДПМНЕ не го открива името на претседателскиот кандидат со којшто ќе настапат на претстојните претседателски избори, што треба да се одржат наредната пролет. Партискиот претседател Христијан Мицкоски при денешната посета на општина Ресен, на новинарско прашање во однос на тоа дали ќе биде маж или жена кандидатот за претседател на ВМРО-ДПМНЕ, одговори дека партијата има сериозна внатрешна процедура, а прекуизборна конвенција, делегатите ќе го изберат конечниот кандидат.

„Ние во минатото како политичка партија се покажавме дека имаме навистина широки погледи за тоа кои ќе бидат претседателски кандидати, ВМРО-ДПМНЕ има една сериозна внатрешна процедура, преку организирање изборна конвенција која што е статутарна одредба, делегатите кои што произлегуваат од членството ќе го дадат своето мислење, очекувам да има кандидати кои ќе бидат и мажи и жени, па делегатите на конвенцијата нека го изберат најдоброто решение за Македонија пред се а потоа и за ВМРО-ДПМНЕ“, изјави денеска Мицкоски.

Инаку, кандидатката на ВМРО-ДПМНЕ од претходните избори во 2019 година, Гордана Силјановска-Давкова во вчерашното интервју за емисијата „360 степени“ на МТВ 1 рече дека не може со сигурност да каже дали повторно ќе биде кандидат за претседател на претстојните избори што треба да се одржат напролет.

„Не велам – не, бидејќи ќе биде неодговорно потоа да ме потсетувате дека сум рекла не. Ама не сум сигурна“, изјави Силјановска-Давкова.

Од друга страна, Фокус денеска пишува дека токму Гордана Силјановска-Давкова и Александар Спасеновски се дел од од 22-те имиња на кои партијата ВМРО-ДПМНЕ им ги мери рејтинзите како можни кандидати за претстојните претседателски избори.

На претходните претседателски избори во 2019 година, ВМРО-ДПМНЕ на изборна конвенција во Струга ја избра Гордана Силјановска-Давкова за кандидат на претседателските избори. Делегатите на партијата тогаш можеа да бираат помеѓу неколку кандидати, а во трката за претседателски кандидат на ВМРО-ДПМНЕ беа вклучени: Никита Шекутковски, Ѓорѓи Манасков, Васко Костов, Влатко Ѓорчев, Гордана Силјановска-Давкова, Илија Димовски, Филип Петровски, Горан Ангелов и Сашо Кутлешовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Долг процес до транспарентност: Како ЗОО Скопје се обиде да крие информации од јавен карактер?

Точно два и пол месеци траеше голготата на редакцијата на Мета.мк да добие информации од јавен карактер од Зоолошката градина - Скопје, а во врска со прашања чии одговори...