fbpx

ВМРО-ДПМНЕ најавува „процес на десоросоизација“

-

„Процесот на десоросоизација почнува“, стои во денешното соопштение на ВМРО-ДПМНЕ, во кое се наведува дека „на 11 декември народот јасно, одважно и прецизно ѝ кажал „не“ на целата деструкција во режија на аболираниот криминалец Зоран Заев и на Соросовите инсталации во Македонија“.

Во соопштението се наведува дека „СДСМ и Сорос константно работат на уништување на граѓанскиот сектор и иницијативи, како и на независното новинарство во Република Македонија“.

„СДСМ и Сорос се посветени на мисијата за уништување на демократијата преку директен и брутален напад на секоја мисла поинаква од нивната матрица, од диктатите на Бихаќка и од идеите на Џорџ Сорос во изминативе 25 години. СДСМ и Сорос системски ги корумпираат новинарите и медиумите, создавајќи од нив роботизирани послушници кои се хранети со грантови за без приговори да ги извршуваат задачите што ќе им бидат дадени. Само во последниот период, во Македонија, СДСМ и Сорос преку деструктивната платеничка револуција направија штета од стотици илјади евра, повредија повеќе од 50 полицајци, демолираа државни институции и уништија споменици на културата и на македонскиот народ. СДСМ и Сорос се срам и елементарна непогода за Република Македонија. На 11 декември народот јасно, одважно и прецизно ѝ кажа „не“ на целата деструкција во режија на аболираниот криминалец Зоран Заев и на Соросовите инсталации во Македонија. Народот одлучи: процесот на десоросоизација почнува“, стои во соопштението на ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...