„Борче Георгиевски без трошка срам излегува на прес-конференција и говори за чистење канали, иако самиот како советник во Општината Гази Баба гласаше против нивното чистење. Каналите во општина Гази Баба се чистат редовно и тоа го знаат и советниците на СДС кои на седниците на Советот на Општината ги гледаат извештаите за исчистените канали“, одговори ВМРО-ДПМНЕ на денешната прес-конференција на Борче Георгиевски, претседател на општинската организација на СДСМ за општина Гази Баба.
Опозициската партија вели дека колку е важна Гази Баба на СДСМ „покажува тоа што првата мерка на новата влада беше кратење на средствата за градба на новиот старечки дом во Маџари, средствата на новото ОУ „Крсте Петков Мисирков“ и за новата градинка во Стајковци“.
Партијата вели и дека градбата на фекална канализација е во тек.
