Граѓанската организација „Уметност на живеење Македонија“, коалицијата „Боите на животот“,и „Скај блу медија“ ќе организираат велосипедски марш, за подигнување на свеста за поголема безбедност на велосипедистите, на 9 мај (сабота), со почеток во 12 часот пред Порта „Македонија“.
Целта на настанот е сообраќајна едукација на сите учесници во сообраќајот, препознавање на ризиците и на опасностите во него и подигнување на свеста за поголема безбедност на велосипедистите во сообраќајот.
Маршот се приклучува кон „Кампањата за поголема безбедност во сообраќајот“, која се реализира во цела Македонија од Републичкиот совет за безбедност на собраќајот, Министерството за внатрешни работи и други граѓански организации и партнери.