Во последните 24 часа, Министерството за внатрешни работи (МВР) издало потврди за искажана намера за барање азил на вкупно 2.895 мигранти. Според државјанството, најголем дел од нив се со потекло од Сирија, односно 1.368 лица, од Авганистан – 765 и од Ирак – 762 мигранти.
Според податоците на МВР, од 19 јуни, кога почна издавањето на потврдите, заклучно со вчерашниот ден, вакви документи им се издадени на вкупно 380.152 мигранти, од кои 205.605 се сириски државјани.
До Секторот за азил вчера, како што информираат од МВР, не биле поднесени нови барања за признавање на правото на азил.
