fbpx

УНЕСКО избира нови членови на извршниот совет

-

Организацијата на ОН за образование, наука и за култура (УНЕСКО), денеска на генералната конференција во Париз ќе избира нови членови на извршниот совет, а меѓу земјите што во следните четири години ќе бидат застапени во ова тело е и Србија.

Гласањето почна утрово во 9 часот и ќе трае до 14 часот, а резултатите ќе бидат соопштени попладнево, преку веб-страницата на УНЕСКО.

Амбасадорот на Србија во УНЕСКО, Дарко Танасковиќ, изјави дека е извесно оти Србија денеска ќе биде избрана за членка на извршниот свет бидејќи новите членки се избираат според регионални групи, на кои им припаѓаат одреден број места, а во групата во која е Србија има четири кандидати за четири места. Тој истакна дека гласањето нема некое значење, освен во политичка смисла затоа што е престиж да се добие поголем број гласови и поголема доверба од другите држави.

Освен Србија, во групата источноевропски земји, која има вкупно седум членки, извесен е и изборот на Словенија, Литванија и на Русија, која повторно се кандидирала.

Освен во групата источноевропски земји, на која ѝ припаѓа Србија, еднаков број кандидати и испразнети места има и во групата на западноевропските земји и на Северна Америка, па изборот во извршниот совет е извесен и за Франција, Грција, Италија, Шпанија, Велика Британија и за САД.

Изборот е сигурен и за Бразил, Мексико, Хаити, Никарагва и за Парагвај, од групата земји од Латинска Америка и од Кариби.

Во групата азиски и пацифички земји се кандидираа осум земји за шест места, а во групата што ги опфаќа африканските и арапските земји има 19 кандидати за 11 места.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

За еден ден, две жени од Скопје нападнати од своите партнери

Два случаја во кои жени од Скопје се нападнати од своите партнери се регистрирани во полицискиот билтен во текот на вчерашниот ден. Околу 18 часот и 30 минути вчера, во...