fbpx

Триесет општини добија механизација преку Проектот за подобрување на општински услуги

-

Триесет општини добија механизација преку Проектот за подобрување на општински услуги-МСИП, кој го спроведува Министерството за финансии. Станува збор за десет ровокопачи во вредност од 45,7 милиони денари, кои се обезбедени како грант-средства од ЕУ. Со ова ќе се обезбедат подобри општински услуги за околу 300.000 граѓани кои живеат во руралните општини.

-Механизацијата ќе придонесе за подобрување на условите за живот за граѓаните на повисоките места, како и во руралните општини. Таа ќе овозможи непречено извршување на општинските услуги, како расчистување на патишта во различни временски услови, редовно чистење на канали, регулација на речни корита, превенција на поплави и други активности-истакна министерот за финансии Драган Тевдовски.

Тој посочи дека ваквите инвестиции значат многу за локалното население, бидејќи решаваат реални проблеми и ги подобруваат условите за живот во општините.

„Проектот за подобрување на општински услуги, кој го спроведува Министерството за финансии со поддршка на Европската комисија и Светска банка ја има токму таа цел. Преку инвестиции во локални патишта, водоводи, градинки, училишта да се подобри животот на граѓаните во сите општини во земјата“, додаде Тевдовски и потенцираше дека има добра реализација на Проектот за подобрување на општински услуги од околу 80 проценти.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Коалицијата ВЛЕН им зеде еден пратеник на ДУИ [инфографик]

Првичните неофицијални резултати од денешното прегласување на парламентарните избори на седум изборни места покажуваат дека ДУИ изгуби еден пратенички мандат, а коалицијата ВЛЕН (Вреди), доби еден пратеник плус во...