Македонскиот краток филм во режија на Иванка Апостолова Баскар, „The PCR Song“ победи во категоријата најдобар експериментален краток филм на Меѓународниот Филмски Фестивал во Индија (International Motion Picture festival of India).
„The PCR Song“ влезе во официјалната селекција за избор на филмови, а потоа се премести на листата на победници, здобивајќи се со признанието „Award Winner“.
Филмот зема учество и на Меѓународниот фестивал за филм во Лисабон, „Lisbon Film Rendezvous“, каде минатата недела беше прогласен за полу-финалист, а само неколку дена подоцна за финалист. Режисерката ја сподели веста на својот профил на Фејсбук.
„Од полу-финалист до ФИНАЛИСТ! The PCR Song (Triptych-Experimental) беше сега избран од Lisbon Film Rendezvous, Португалија, јануари 2022!“, напиша таа.
„The PCR Song“ е видео театарски проект што премиерно се прикажа на 5-ти ноември 2021 година преку платформата YouTube. Баскар е креатор, продуцент, режисер и визуелен драматург на филмот. Истиот е инспириран од изведбата „The Cold Song“ од King Arthur, семи опера од Henry Purcell и либерто од John Dryden. Во краткиот филм има само една улога: Димитрина Queen Arthur што ја толкува Димитрина Мицкоска. Снимен е на неколку локации низ Скопје, а продуциран од Македонскиот центар на „ИТИ/ПРОДУКЦИЈА“.
