Во светот се одбележува Меѓународниот ден на мигрантите. Генералното собрание на ОН во 2000 година го прогласи 18 декември за Меѓународен ден на мигрантите. На тој ден во 1990 година е усвоена Конвенцијата за заштита на правата на мигрантските работници и на членовите на нивните семејства.
Според официјалните податоци, во светот живеат околу 230 милиони мигранти.
Годинава овој датум има повеќекратно значење, бидејќи светот е соочен со најголемата мигрантска криза од Втората светска војна.
Во текот на 2015 година, загинаа голем број мигранти, околу 3.600, од кои повеќето во Средоземно Море во обид да стигнат до земјите од Европската унија.
