fbpx

Студија: Евидентен расизам и дискриминација на луѓето од црната раса во ЕУ

Приближно 77 проценти од испитаниците во Германија изјавиле дека биле дискриминирани во последните пет години поради бојата на кожата, нивното потекло или нивната религија

-

Во студија спроведена за расизмот врз црната раса низ 13 земји на ЕУ, Европската агенција за фундаментални права (FRA) во средата соопшти дека Германија се рангира најлошо во многу области, пренесува новинската агенција ДПА.

Приближно 77 проценти од испитаниците во Германија изјавиле дека биле дискриминирани во последните пет години поради бојата на кожата, нивното потекло или нивната религија, се вели во извештајот.

Ова е највисоката пропорција меѓу 13 земји на ЕУ во кои луѓето со африкански корени биле анкетирани за расизам и дискриминација. Според студијата, Австрија исто така има лоши резултати.

Според истражувањето, Германија е на врвот на листата кога станува збор за расно мотивирани напади, при што 54 отсто од испитаниците таму изјавиле дека доживеале вознемирување. Ова е највисок процент низ испитаните држави во студијата.

Дополнително, 9 проценти изјавиле дека доживеале насилство во Германија, а таа бројка ја надминува само Финска, со 11 проценти.

Повеќе од половина од испитаниците во Германија се чувствувале дискриминирани кога барале вработување. Просечната вредност низ државите изнесувала околу една третина – толку испитаници доживеале дискриминација кога аплицирале за работно место.

Истражувањето покажува и дека речиси 40 проценти од учениците со темна боја на кожата во германските училишта се соочуваат со расистички навреди или закани, слично како во Ирска, Финска и Австрија.

ИзворDPA

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Пендаровски ја најави кандидатурата за претседател за втор мандат

Актуелниот претседател Стево Пендаровски ја најави граѓанската кандидатура за втор мандат и ги повика сите граѓани да дадат поддршка со потпишување во канцелариите на Државната изборна комисија. „Во недела очекувам...