Алијансата силно ги поддржува суверенитетот и територијалниот интегритет на сите европски земји, истакна генералниот секретар на НАТО, Јенс Столтенберг, говорејќи во Центарот за стратегиски и меѓународни студии во Вашингтон.
Тој рече дека НАТО ќе работи на тоа да обезбеди соседите на Алијансата, како Грузија, Молдавија и Украина, да останат стабилни и независни.
– Овие земји не се тампон-зона, тие се независни суверени држави. Тие имаат право да изберат сопствен пат и ние ќе им помогнеме во тоа – рече Столтенберг.
