Вистиномер го пронајде оригиналното видео објавено на 23 ноември 2022 година во турските медиуми. Станува збор за друг земјотрес, со јачина од 5.9 степени според Рихтер во близина на селото Чамлибел. Светлината што го придружува земјотресот е редок природен феномен, претходно забележуван во различни делови од светот. Според научниците овој феномен се случува кај 0.5 проценти од земјотресите пред или за време на нивното случување, пишува „Вистиномер“ во својата анализа.
Текстот подолу го пренесуваме во целост:
Рецензираме пост објавен на социјалната мрежа Фејсбук во кој се споделуваат видеоматеријали за кои се тврди дека се непосредно снимени пред земјотресот во Турција и дека имало „зелени светла“. Меѓутоа споделеното видео не е снимено непосредно пред земјотресите кои се случија во Турција и Сирија.
Вистиномер го пронајде оригиналното видео објавено на 23 ноември 2022 година во турските медиуми. Станува збор за друг земјотрес, со јачина од 5.9 степени според Рихтер во близина на селото Чамлибел.
Заменик-директорот на опсерваторијата Кандили и Институтот за истражување на земјотреси, проф. Др. Али Пинар за инцидентот објаснил дека сеизмичката енергија која се појавила, предизвикала висок степен на топлина и дека светлината во моментот на земјотресот е поврзана со движењето на раседот.
Деведесет проценти од сеизмичката енергија акумулирана, целосно се ослободува од топлина. Со тоа движење се создава голема топлина. Само преостанатите 10 проценти се ослободуваат со сеизмичка енергија, изјави Пинар.
Проверувачите на факти на Мит Детектор пишуваат дека објавената снимка нема врска со земјотресот од 6 февруари и дека е објавена на 23 ноември 2022 година од турската новинска агенција Хабер Глобал. Според агенцијата видеото е од безбедносна камера во момент кога земјотрес со магнитуда од 5.9 степени бил регистриран во градот.
Светлината што го придружува земјотресот е редок природен феномен, претходно забележуван во различни делови од светот. Според научниците овој феномен се случува кај 0.5 проценти од земјотресите пред или за време на нивното случување.
Светлината може да се појави во многу форми и бои. Нема консензус меѓу научниците што го предизвикува овој феномен, но според една теорија може да е поврзан со пиезоелектричниот ефект којшто се појавува поради тектонски притисок, односно кога карпите кои содржат кварц кога се компресирани, создаваат силни електрични полиња, пишува Мит Детектор.
Поради сите горенаведени факти oвој пост е со пропуштен контекст. Видеото претставено во него не е од земјотресот од 6 февруари 2023 година, туку од пред три месеци (ноември 2022) и од друга локација во Турција.