Tre pjesëtarë të organeve të sigurisë janë vrarë në të shtënat në aksionin policor në Kumanovë i cili është para përfundimit ku kontrollohen shtëpitëe fundit në rajonin e “Lagjes së Trimave”.

Këtë informatë e publikojnë mediumet nga Kumanova, por edhe më tej nuk ka konfirmim zyrtarë.

Sipas burimeve të njëjta jozyrtare janë lënduar edhe dhjetëra persona tjerë ndërsa policisë i janë dorëzuar rreth 30 terroristë.

Në ndërkohë banorët e “Lagjes së Trimave” në Kumanov janë duke u evakuuar ndërsa në lagje kohë pas kohe dëgjohen të shtëna.

Në qendrën klinike në Shkup ku ndalohet hyrja e mediave, janë sjellë 17 të lënduar me helikopterë dhe automjetin e ambulantës.

Aksioni në Kumanovë është ndërmarrë për shkak të shkatërrimit të një grupi mirë të armatosur, që ka përgatitur sulme ndaj institucioneve shtetërore, tha zëdhënësi Ivo Kotevski në konferencën e sotme të shtypit.

Me reagime dhe thirrje për mos-përshkallëzim të situates doli edhe ambasada e SHBA-ve. Delegacioni i BE-së, OSBE-së, MPJ-ja ruse dhe thuajse të gjitha partite politike në vend.