Siç u tregua këto ditë, Gjykata penale Shkupi 1 deri në detajin e fundit do ta menaxhoj procedurën dhe do të zvarrit vendimmarrjen lidhur me ankesat e Prokurorisë speciale publike për vendimet e gjykatësit me procedurë paraprake që mos t’u shqiptoj masën e paraburgimit të dyshuarve në rastin “Titanik”.
Praktikisht, prej ditës së premte, pas konferencës së PSP, filluan të skadojnë afatet që përmbajnë procedura sipas skemës në vijim:
Kërkesë për paraburgim ⇒ marrje në pyetje ⇒ vendim nga gjykata ⇒ ankesë nga PSP ose avokatët ⇒ vendim nga Këshilli i gjykatësve ⇒ ankesë nga PSP ose nga avokatët ⇒ vendim nga Apeli.
Gjykatësi me procedurë paraprake, pas marrjes në pyetje prej disa orëve, dje vendosi që të refuzoj kërkesën e PSP dhe të mos u shqiptoj masën e paraburgimit ish ministres Gordana Jankulloska dhe sekretarit të Qeverisë, Kiril Bozhinovski. Identik ishte vendimi i gjykatës edhe për ish ministrin e transportit dhe lidhjeve Mile Janakieski dhe kryetari i komunës Pustec, Edmond Temelko.
Prokurorja speciale dhe ekipi i saj tanimë kanë dorëzuar ankesa për vendimet e Janakieskit dhe Temelkos ndërsa këtë të drejtë juridike sipas gjitha gjasave PSP do ta shfrytëzoj edhe për Jankulloskës dhe Bozhinovskin dhe do të kërkoj nga gjykata t’i verifikoj vendimet e gjykatësit me procedurë paraprake.
