PSP demanton se zhvillon procedurë parahetimore kundër prokurorit publik në Prokurorinë për ndjekjen e krimit të organizuar dhe korrupsionit, Vladimir Milloshevski. Nga PSP konfirmojnë se partia e LSDM-së deri tek ta ka dorëzuar kallëzim penal kundër Milloshevskit dhe personave tjera dhe se ende janë duke u shqyrtuar pohimet e kallëzimit penal.
“Deri te kjo prokurori publike është dorëzuar kallëzim penal nga LSDM kundër prokurorit publik Vladimir Milloshevsk dhe persona tjerë të panjohur, për të cilën është formuar lëndë në këtë prokurori publike. Procedura parahetimore për këtë lëndë nuk zhvillohet kundër një personi konkret, por si ngjarje në suazat ku po hetohen aspekte eventuale penalo- juridike lidhur me pohimet e kallëzimit penal. Sipas kësaj, nuk janë të saktë informacionet se kundër Vladimir Milloshevskit zhvillohet procedurë parahetimore në këtë prokurori” thuhet në demantin e PSP-së.
