Situata në Idomeni po përshkallëzohet. Sot një grup i refugjatëve u grumbulluan para gardhit duke kërkuar nga policia maqedonase të hap kufirin.
Refugjatët kërkojnë t’i lëshojnë duke thënë se nuk janë terroristë. Përgjigja e policisë ishte se kufiri s’mund të hapet dhe u është kërkuar refugjatëve të largohen nga gardhi.
Më herët, një grup i refugjatëve hynë në një vagon të vjetër të hekurudhës dhe arritën të shtyjnë atë deri në afërsi të kampit dhe kufirit maqedonas, ku gjenden autoblindat e policisë greke.
Nga gjithsej 11.000 refugjatë në Idomeni, sot 180 kryesisht nga Siria vendosën të largohen nga kampi dhe me autobusë u transferuan në qendrën e refugjatëve në afërsi të Athinës.
