Gjorgje Ivanov shkel Kushtetutën dhe ligjet dhe qartë vihet në mbrojtje të krimit të Nikola Gruevskit, deklaroi sot në konferencë shtypi zëdhënësi i LSDM-së, Petre Shilegov.

“Gjorgje Ivanov nuk ka të drejtë që të diskriminojë politikisht. Ivanovi ia ndau mandatin Nikola Gruevskit pa i kërkuar nënshkrime nga 61 deputet dhe pa vendos kushte për programim. Si rrjedhojë, s’ka të drejtë këtë ta kërkojë nga kryetari Zaev. Kjo është shkelje e palejuar e Kushtetutës nga ana e Ivanovit, për çka duhet dhënë llogari edhe sipas Kushtetutës edhe sipas Kodit penale. Me sjelljen e tij, Ivanovi edhe në këtë rast, si dhe paraprakisht me faljet, qartë vihet në mbrojte të krimeve të Nikola Gruevskit. Me këtë, Gjorgje Ivanov rrezikon edhe qytetarët edhe shtetin” deklaroi Shilegov.

I pyetur për koment lidhur me kushtet që duhet të përmbahen në programin sipas Ivanovit, Shilegov tha se as në Kushtetutë, as në Ligjin për qeverinë nuk ekziston obligimi i mandatarit që të prezantojë çfarëdo programi deri tek presidenti, në këtë rast Gjorgje Ivanov.

“Programi prezantohet deri tek deputetët dhe ajo është lëndë miratimi nga Kuvendi, e jo nga Ivanovi” shton zëdhënësi i LSDM-së.

Në pyetjen nëse LSDM ka filluar të grumbulloj nënshkrime për përbërjen e Qeverisë, ai tha se LSDM punon në gjetjen e zgjidhjes që do të sjell formim të shpejtë dhe efikas të qeverisë së re.

Për atë nëse LSDM do të kërkoj përgjegjësi nga presidenti për vendimin e fundit, Shilegov deklaroi se (Ivanov v.j) shkon në historinë politike në momentin kur kjo do të ndodhë me Nikola Gruevskin, me formimin e qeverisë së re.