Sot gjatë pauzës nga negociatat e grupeve të punës të partive politike, Oliver Spasovski deklaroi se Nikolla Gruevski me kërkesën që të ndahen dëshmitë nga materialet e përgjuara e pranon fajin e vet për të gjithat veprat kriminale.
“Nëntë muaj Gruevski gënjente opinionin e vendit se materialet e përgjuara, që treguan kriminalitetin e tij janë të prera, të ngjitura dhe të montuara. Dje, ai konfirmoi përmbajtjen e materialeve të përgjuara dhe dokumenteve të publikuara në saje të projektit “E vërteta për Maqedoninë”. Doli në shesh frika më e madhe e Nikolla Gruevskit, ballafaqimi me akuzat” deklaroi Spasov.
Ai shtoi se vendimi i djeshëm i Gjykatës Themelore Shkupi 1 është i paligjshëm, sepse siç tha ai, gjykata nuk ka të drejtë të veproj sipas kërkesës së Nikolla Gruevskit dhe të dyshuarve të tjerë në këtë fazë të procedurës.
Për Spasovskin, instanca më e lartë gjyqësore është e ngarkuar që të miratoj vendim për zhvlerësimin e këtyre vendimeve joligjore të gjykatësit me procedurë para- hetimore.
“Një gjykatës i cili pengon drejtësinë dhe iu ndihmon një të akuzuarit në procedurë për vepra penale dhe kriminalitet të organizuar, sipas praktikës ndërkombëtare gjyqësore, dënohet me gjobë më të madhe sesa i akuzuari. Me presionin e djeshëm ndaj gjyqit, Gruevski tregon qëllimin për shkeljen e Marrëveshjes së Przhinos. Por, Gruevski nuk do t’i evitoj obligimet nga marrëveshja” thotë Spasov.
Sipas tij, ky skandal vetëm se e vërtetën faktin se patjetër nevojitet një prokuror special publik.
“Prokurori special publik patjetër që duhet të zgjidhet ndërsa materialet e përgjimeve duhet të jenë lëndë e prokurorit të ri. Gruevski dhe bashkëpunëtorët e tij nuk do t’i ikin përgjegjësisë” përfundoi Spasov.
