“Bombat” që tani me muaj të tërë po i publikon opozita, prej sot do të jenë në pauzë, deklaroi në konferencën e sotme për shtyp lideri i LSDM-së, Zoran Zaev.
Siç tha lideri opozitar, arsyeja për pauzën është mitingu i madh popullor që pritet të filloj nesër prej orës 14 para godinës së Qeverisë.
“Me publikimin e këtyre bisedave fillon një pauzë e “bombave”. Ne edhe më tej kemi biseda për publikimin dhe nëse Nikolla Gruevski nuk jep dorëheqje, do të vazhdojmë t’i publikojmë. Deri më tani kemi publikuar vetëm rreth 500 biseda, ndërsa kemi ende. Qytetarëve ju kemi ngelur borxh një “bombë”, por do të kuptojnë se për shkak se situata është e ndjeshme, ato biseda s’mund të publikohen tani. Megjithatë, siç premtuam, edhe ajo bisedë do të publikohet”, deklaroi Zaev.
