Situata me qarkullimin e imigrantëve në kufirin verior, në qendrën e pranimit në Tabanocë, është e qetë, kurse në 24 orët e kaluar në kufi kanë mbërritur dhe janë nisur në drejtim të Serbisë 2.715 imigrantë, bëri të dikur sot Ministria e Punëve të Brendshme. (MPB).
Prej sonte në mesnatë deri në orën 8 të mëngjesit, siç informojnë nga MPB-ja, në pjesën veriore të kufirit në Tabanocë, kanë arritur 45 persona, kurse 12 prej tyre kanë marrë vërtetim për azil. Në kamp aktualisht gjenden 280 imigrantë.
Nga MPB-ja thonë se gjendja është e qëndrueshme, por edhe në qendrën e pranimit në kufirin jugor të Gjevgjelisë.
“Deri në këtë moment në kamp gjenden 500 persona, të cilët presin të largohen, kurse nga ana greke rreth 2.000 persona. Theksojmë se këto numra vazhdimisht ndryshojnë”, thuhet në kumtesën e MPB-së.
