Shefi i diplomacisë bullgare, Daniel Mitov vlerëson se zgjidhja potenciale e emrit nuk guxon të shkaktoj probleme me fqinjët tjerë. Sipas tij, Greqia ka vullnet politik që të ketë zgjidhje për emrin, por formula për zgjidhjen e këtillë deri më është treguar si e pasuksesshme.

Mitov në intervistë për gazetën greke “To Vima” vlerëson se shpresoj vullnet të ekzistoj edhe në palën maqedonase, duke përmendur se për zgjidhjen e emrit nevojiten kompromise.

“Duhet të ketë kompromise, por formula që do të zgjidhet duhet të zgjidh problemin përgjithmonë, që mos të krijoj probleme shtesë me fqinjët tjerë. Shkup duhet t’i zbatoj reformat. Konsiderojmë se përfshirja e KE-së me qëllim që të përmbushen kriteret e Kopenhagës është hap pozitiv” deklaroi Mitov.

Ai shtoi se për Sofjen dhe Athinën integrimi i shteteve të Ballkanit në NATO dhe BE ngel prioritet gjegjësisht se BE nuk do të jetë e plotë pa integrimin e Ballkanit Perëndimor në familjen evropiane.

Megjithatë, sipas tij BE nuk guxon të lejoj të mos këshillohet me tre shtetet e pjesës juglindore të Evropës që tanimë janë shtete- anëtare gjegjësisht Bullgaria, Greqia dhe Rumania.