Ministrja e punës dhe politikës sociale, Frosina Tashevska Remenski deri te Prokuroria themelore publike- Shkup, sot e ngriti padinë e parë penale kundër ish ministrit të punës dhe politikës sociale Dime Spasov dhe një zyrtare të punësuar në ministri.
Padia penale përfshinë arsyetimin dhe dëshmitë për dyshimet për keqpërdorimin e detyrës zyrtare dhe autorizimeve dhe punën e pandërgjegjshme në shërbimin për Dime Spsov dhe zyrtarit shtetëror në ministrinë e punës dhe politikës sociale, Suzana Anova.
Ashtu si sqaruan nga MPPS, në kundërshtim me nenin 181 nga Ligji për mbrojtje sociale, Spasov si ministër ka besuar autorizimin personit, Suzana Anova e cila nuk ka të drejt ligjore të vendos në procedurë administrative, në emër të ministër për t`i nënshkruar të gjitha aktet nga mbrojtja sociale.
“Në veprimet kundërligjore të përcjelljes së autorizimeve është vendosur për të drejtat nga mbrojtja sociale e qytetarëve.
Më shumë vendime me ankesë për ndërprerjen e të drejtës së ndihmës sociale janë sjell nga personi i paautorizuar, ndërsa tek numri më i madh i lëndëve nuk është vendosur sipas afatit të përcaktuar ligjor.
Spasov si ministër i atëhershëm ka qenë i obliguar për t`i respektuar rregullat nga Ligji për mbrojtje sociale dhe nga Ligji për procedurë të përgjithshme administrative në raport me obligimin e zgjidhjes në bazë të ankesave në afatin e caktuar ligjor prej 60 ditëve, në të cilën duhej që të sigurohej ligjësia në kryerjen e rregullave në procedurën administrative, pa u krijuar kushte ku do të pamundësohej vendosja ligjore pas ankesave nga personi që nuk ka të drejt të vendos pas ankesave në shkallën e dytë në procedurën administrative”, thuhet në njoftimin e MPPS-së.