Kryetari i komunës Qendër në Shkup, Andrej Zhernovski para pak çastesh përpara godinës së Qeverisë e porositi kryeministrin Nikolla Gruevski se i ngre padi penale për nxitjen e ngjarjeve që ndodhën më 7 qershor të vitit 2013 para objekteve të komunës Qendër, kur një masë e anëtarëve të VMRO-DPMNE-së dhe ithtarë të kësaj partie tentuan me forcë të hyjnë në hapësirat e komunës Qendër që ta ndërprejnë seancën e Këshillit.
“Siç edhe tregova, unë sjam qyqar si ti prandaj erdha personalisht. Ja, erdha para vetë zyrës tënde që të tregoj se po ngre padi penale kundër teje për nxitje të ngjarjeve para komunës Qendër. Për atë që e bëre ndoshta nuk do të përgjigjesh para këtyre gjykatave, por në një të ardhme sigurisht do të përgjigjesh”, deklaroi Zhernovski sot para Qeverisë.
Ai i bëri me dije kryeministrit se më mirë do të ishte që ai të merrte pjesë në seancën e Këshillit të komunës dhe personalisht ta realizonte qëllimin.
“Mendoj se më mirë do të ishte që në vend se të dërgosh dikë të më godasë me shuplakë, të vije ti në seancën e Këshillit të komunës Qendër dhe personalisht të më goditje sa ke dëshiruar”, tha Zhernovski në konferencën për mediat para qeverisë.
Нашите вести во вашето сандаче
Секој ден во 17 ч. добивајте ги вестите од Новинската агенција Мета директно на вашата електронска адреса.
Можете да се отпишете од оваа листа преку линкот на крајот од нашите пораки.
