Çfarë do të ndodh me aktakuzën për rastin “Puçi” pas publikimit të lëndës së re të PSP-së? A do të tërhiqet, a do të zgjerohet me të akuzuar tjerë apo në gjykatë në vend të atyre që tanimë janë të akuzuar do të thirren të akuzuarit në aksionin “Shënjestra”? Kjo do të dihet pasi zyrtarisht të filloj procesi gjyqësor. Tani për tani me siguri duhet se lënda “Shënjestra” do të ketë implikime edhe në lëndën “Puçi”.
Këtë e përmendi edhe prokurorja Fatime Fetai, e cila prezantoi lëndën “Shënjestra” ndërsa e përsëriti kolegia e saj Lençe Ristoska, duke u përgjigjur në pyetjet e gazetarëve. As Fetai e as Ristoska nuk deshën të përgjigje “në ç’drejtim do të shkojnë këto implikime”.
Në rastin “Puçi” për momentin të akuzuar janë ish drejtori i DSK-së, Zoran Verushevski, bashkëshortja e tij Sonja Verushevska, kreu i LSDM-së, Zoran Zaev, Gjorgji Lazarevski zyrtar në MPB dhe Branko Palifrov i punësuar në komunën e Strumicës. Ata ngarkohen për spiunim, përgjim të paautorizuar dhe dhunë ndaj përfaqësuesve të organeve më të lartë të shtetit.
Për rastin tanimë i dënuar është ish inxhinieri i DSK-së, Zvonko Kostovski i cili pranoi veprën dhe arriti marrëveshje me Prokurorinë.
Dëshmitari i vetëm në këtë rast është kreu aktual i VMRO DPMNE-së, Nikola Gruevski.
