Mëngjesin e sotëm në Lagjen e Trimave të Kumanovës është bërë aksion i madh policor për zbulimin e bashkëpunëtorëve dhe përkrahësve të grupit terrorist të përfshirë në ngjarjet e Kumanovës.
MPB-ja aksionin e realizon në disa fshatra të Kumanovës, por e zgjeron edhe në disa fshatra të rrethit të Shkupit, me çka janë përfshirë forca të mëdha policore dhe helikopterë.
– Sot në mëngjes filloi aksioni për gjetjen dhe arrestimin e disa personave, bashkëpunëtorë dhe ata që japin përkrahje logjistike të grupit kriminel- terrorist nga Lagjja e Trimave. Tashmë janë arrestuar disa jatakë dhe në përputhje me prokurorin kompetent për përndjekje të krimit të organizuar dhe krim serioz menjëherë do të dalin para gjyqtarit. Bastisjet vazhdojnë edhe në disa fshatra të Shkupit dhe të Kumanovës- deklaroi për “Meta”, ndihmës ministri i punëve të brendshme, Ivo Kotevski.
