Mëngjesin e sotëm  në Lagjen e Trimave të Kumanovës është  bërë aksion i madh policor për zbulimin e bashkëpunëtorëve dhe përkrahësve të grupit terrorist të  përfshirë në ngjarjet e Kumanovës.

MPB-ja aksionin e realizon në disa fshatra të Kumanovës, por e zgjeron edhe në disa fshatra të rrethit të Shkupit, me çka janë përfshirë forca të mëdha policore dhe helikopterë.

Sipas informacioneve të para janë arrestuar disa  bashkëpuntorë dhe në përputhje me prokurorin kompetent për përndjekje të krimit të organizuar dhe krim serioz menjëherë do të dalin  para gjyqtarit.

Bastisjet vazhdojnë edhe në disa fshatra të Shkupit dhe të Kumanovës. Brenda ditës do të zbulohen më shumë hollësira.