Euro- komisari për zgjerim, Johanes Han sot përsëri u prononcua, këtë herë drejtpërdrejtë, lidhur me krizën në Maqedoni dhe në veçanti ngjarjet në Kumanovë.
“Të gjithë jemi të brengosur për atë që ndodhi këtë fundjavë. Urgjentisht iu bëj thirrje të gjithë palëve dhe aktorëve që të bashkëpunojnë në zbardhjen e situatës dhe të bashkuar të punojnë në këtë çështje. Ky sulm, kjo ngjarje, nuk duhet të na shpërqendrojë nga situata reale politike në Maqedoni, ku u bëj thirrje opozitës dhe pushtetit ta zgjidhin. Kjo ngjarje nuk duhet shfrytëzuar që të krijohet krizë e re përmes futjes së tensioneve etnike, tha Han, duke bërë edhe njëherë thirrje për bashkim dhe transparencë.
