Parimi i koalicionit “fituesi me fituesin” me hapin e BDI-së është shkatërruar përgjithmonë. Askush, madje as VMRO DPMNE në të ardhmen nuk do të ketë obligim që të bëj koalicion me fituesin, deklaroi lideri i VMRO DPMNE-së, Nikola Gruevski në statutin e tij në Facebook.
“Kjo qeveri është bërë me presion të fuqishëm të jashtëm ndaj BDI-së, ku morën pjesë shumë palë ndërsa më aktiv është një ambasador. Ky operacion në masë të madhe është e mbështetur nga Sorosi. Pjesë e madhe e financave dhe logjistika janë prej tij”, shkruan Gruevski në status.
Kreu i VMRO DPMNE-së thotë se “nëse votohet kjo qeveri, atëherë do të jetë qeveri e një ambasadorit”.
“Më pas ai do të tentoj që edhe gjykata të jetë gjykatë e tij. Në fakt, ai gjatë kohë punon për këtë. Prokurori tashmë ka. Tradhtarë, OJQ dhe mercenarë në numër. Ka edhe kryesi të partisë. Por, edhe ai nuk do të jetë ambasadorë përherë sepse edhe ai ka mandat të kufizuar”, thotë Gruevski.
Gruevski gjithashtu më tej thotë se “nëse Zaev me çdo kusht dëshiron të bëhet kryeministër, mos t’i shemb interesat shtetërore dhe nacionale”.
“Ja unë vullnetarisht do të paraqitem le të më arrestojnë, le të më burgosin dhe le të më torturojnë ndërsa VMRO DPMNE të mbështet si qeveri pakicë sa kohë le të dojë deri në zgjedhjet e ardhshme që së bashku do t’i organizonin, le të më godet mua, vetëm le të heq dorë nga shembja e themeleve të shtetit për shkak të dëshirës që të vijë në pushtet. Këtë le të kuptojë si ofertë publike”, thotë Gruevski.
