Gjermania ndaj mendimin me KE-në lidhur me përgatitjen e zgjedhjeve parlamentare në Maqedoni apo se nevojiten reforma para se të ekzistoj mundësi për zgjedhje me standarde evropiane, njoftuan sot nga ambasada gjermane në Shkup.
Nga ambasada ju bëjnë thirrje partive politike në proces të bëjnë përpjekje dhe të tregojnë vullnet politik që të gjejnë zgjidhje të përbashkët, që do ta lëvizin vendin në drejtim të euro- integrimeve.
Kjo, siç thuhet në njoftimin e ambasadës, vlen para se gjithash për partinë në pushtet, VMRO DPMNE.
“Përgjegjësia për miratimin e konkluzioneve nga gjendja momentale për përgatitjet zgjedhore, është te nënshkruesit e Marrëveshjes së Përzhinos. Qeveria federale ju bën thirrje partitë në kontest që të bëjnë përpjekje për të gjetur zgjidhje të përbashkët, që do ta lëviz vendin në drejtim të euro –integrimeve. Kjo, vlen para se gjithash për partinë në pushtet VMRO DPMNE-në dhe kjo pari nuk duhet të distancohet nga fakti se zgjedhjet do ta ndihmojnë vendin për krijimin e kushteve korrekte për zgjedhje sipas standardeve evropiane” thuhet në njoftimin e ambasadës gjermane.
Prej atje shtojnë se që të sigurohen mundësi të barabartë për të gjithë partitë, nevojiten lista të pastruara zgjedhore, reforma në media dhe ndarjen e partisë dhe shtetit.
