Zgjedhje më 24 prill teknikisht mund të mbahen, por jo edhe kontrolli thelbësor i listës zgjedhore. Këtë e shkruan në deklaratë që kryetari i KSHZ-së Aleksandar Çiçakovski ua dërgoi partive politike që në Klubin e deputetëve negociojnë për procesin zgjedhor.
“Në pyetjen nëse zgjedhjet e 24 prill mund të mbahen, përgjigja ime është se zgjedhje teknike mund të ketë, por kontrolli dhe pastrimi i listës zgjedhore s’mund të bëhet, që do të thotë se s’mund të sigurohet as lista zgjedhore në të cilën të gjithë do të kishin besim” deklaroi Çiçakovski.
Në deklaratë thuhet se s’mund të saktësohen afatet rreth pastrimit të Listës zgjedhore dhe se për këtë të kihet besim në listën zgjedhore të KSHZ dhe nevojiten të paktën tre deri katër javë.
