fbpx

Спасовски пред самитот на ОБСЕ: МВР е подготвено, ова е сериозен предизвик за службата и за државата

Спасовски рече дека е сигурен оти „на најдобар начин ќе се прикажеме како служба и како држава“, но и дека се ставени огромни надежи на Северна Македонија

-

Службите ги преземаат сите потребни мерки и активности, дел од делегациите се пристигнати а состојбата е редовна. Ваква информација добил министерот за внатрешни работи Оливер Спасовски од началникот на Одделот за заштита на определени личности и објекти, Александар Нацевски, кој е носител на активноста поврзана со организирање и координирање на мерките и активностите за безбедно одржување на Министерскиот совет на ОБСЕ во Скопје.

Триесеттиот Министерски самит на оваа организација во текот на следните два дена ќе се одржи во македонскиот главен град, а Спасовки пред почетокот на самитот го посетил Штабот во рамки на Оперативната акција „ОБСЕ 2023“.

Како што соопштија од Министерството за внатрешни работи – СВР Скопје, Одделот за специјални полициски операции, Одделот за гранични работи, Одделот за сузбивање на организиран и сериозен криминал, се на терен и постапуваат „според планот“.

Спасовски рече дека е сигурен оти „на најдобар начин ќе се прикажеме како служба и како држава“, но и дека се ставени огромни надежи на Северна Македонија.

„Ова е сериозен предизвик за службата и за државата. Многу е важно како нѐ перцепираат на ниво на  меѓународна заедница. Вчера учествував на конференција во Брисел, во Европската Комисија, каде што оценката за МВР е во суперлативи за сите достигнувања, за професионалноста на полицијата, и тоа пред министри од целиот свет. Перцепцијата укажува на тоа дека Република Северна Македонија има сериозен кредибилитет и капацитет, меѓу другото и поради Самитот на ОБСЕ во Скопје. Тоа во дипломатијата се толкува како почеток кога сите седат на иста маса. Затоа одговорноста е уште поголема сѐ да помине во најдобар ред“, рече министерот Спасовски, додавајќи оти МВР е подготвено за предизвикот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Гордана Силјановска-Давкова официјално е претседателски кандидат на ВМРО-ДПМНЕ

Гордана Силјановска-Давкова и официјално ќе влезе во трката за претседател на државата, како кандидат на ВМРО-ДПМНЕ. Таа денеска со мнозинство гласови беше избрана на Kонвенцијата која се одржа во...