Советот за безбедност на ОН ќе се вклучи во дополнителните консултации за прекинот на огнот на истокот на Украина, но сè уште не е време за усвојување резолуција, изјавија денеска дипломатите.
Советот за безбедност вечерва би требало да гласа за руската нацрт-резолуција, во која се повикуваат сите страни да го спроведат договорот постигнат за прекин на огнот.
Сепак, одредени земји имаат амандмани, вклучувајќи ја и Малезија, која побарала во текстот да се спомене и патничкиот авион „Малезија ерлајнс“, кој кон средината на јули минатата година беше соборен над истокот на Украина.
Артилериски и минофрлачки напади вчера беа регистрирани околу Донецк, без оглед на примирјето, кое се почитува во останатите делови на фронтовската линија меѓу проруските и украинските сили.
