fbpx

Со лажен сертификат станала директорка на училиште од Драчево

Т. К. го употребила сертификатот при аплицирање на јавен оглас за избор на директор на основно училиште во Драчево, по што со решение на градоначалникот на општина Кисела Вода била именувана за директор во училиштето, информира МВР

-

Единицата за корупција при одделот за сузбивање на организиран и сериозен криминал, до Основното јавно обвинителство Скопје поднело кривична пријава против Т.К.(49) од Скопје и С.К.(56) од Косово, поради постоење основи на сомнение за сторено кривично дело „употреба на исправа со невистинита содржина“.

„Пријавената Т.К., вработена во основно училиште во с. Драчево, скопско и пријавената С.К., вработена во Општа болница Дебар, набавиле лажни меѓународни сертификати за познавање на англиски јазик, издадени од училиште за јазици од Република Бугарија. Т.К. го употребила сертификатот при аплицирање на јавен оглас за избор на директор на основно училиште во с.Драчево, по што со решение на градоначалникот на општина Кисела Вода била именувана за директор во училиштето“, информираа од Министерството за внатрешни работи (МВР).

На сличен начин, С.К. го употребила сертификатот за познавање англиски јазик при аплицирање на конкурс за именување директор на ЈЗУ Општа болница Дебар, по што од министерот за здравство била именувана за вршител на должноста – директор на ЈЗУ Општа болница Дебар.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Kaмерон: Израел одлучи да дејствува по нападот на Иран

Јасно е дека Израел одлучи да дејствува, како одговор на иранскиот масовен напад со беспилотно летало и балистички ракети минатиот викенд, изјави денеска британскиот државен секретар за надворешни работи...