После алармантната ситуација која беше затекната со превземањето на локацијата во делот на заштита на Охридското езеро и третманот досегашен кон него, ЈП „Билјанини Извори“ достави барање до јавната научна установа Хидробиолошки завод Охрид, да се добие мислење за тоа дали е потребно итно уредување на оваа локација.
Од научната установа е добиено позитивно мислење за да се изврши чистење на тињата од горниот брег кон Охридското езеро во должина по целата страна од 20 метри и ширина од брегот кон трските од пет метри.
Деновиве се интензивираат активностите околу расчистување и уредување на просторот наменет за сидрење на пловни возила, простор кој неодамна со одлука на Советот, Општина Охрид го превзеде на времено владение.