„Никола Груевски мора да прифати дека постои ново парламентарно мнозинство кое е во процес на формирање на новата реформска влада според мнозинската волја на граѓаните. Мора да се помири дека ВМРО-ДПМНЕ е опозиција, а тој повеќе од една година не е премиер. Груевски што и да направи, не може да се наметне како фактор, затоа што неговото време во политиката заврши“, порача СДСМ, по денешните изјави на претседателот на ВМРО-ДПМНЕ, во кој упати остри предупредувања до СДСМ.
„Груевски лаже каде ќе стигне, зборувајќи за наводни дестабилизации, федерализации, лажно претставувајќи се како премиер, затоа што е лажго. Но, тоа нема да ја смени реалноста. Постои демократски формирано мнозинство од 67 народни избраници. Постои само еден документ што ѝ е достапен на целата домашна и меѓународна јавност. Она што недостига е здрав разум кај Груевски и кај Иванов на што повика меѓународниот фактор. Криминалците во ВМРО-ДПМНЕ го немаат. Разумните во ВМРО-ДПМНЕ мора да покажат здрав разум. Груевски и раководството на ВМРО-ДПМНЕ не смеaт да поттикнуваат насилство врз мнозинството од граѓаните и парламентарното мнозинство, поради заштита од одговорност за својот криминал“, порача СДСМ.
