Семејството на еден британски пензионер го повика премиерот Дејвид Камерон да интервенира и да го спаси нивниот татко од смрт, која ќе биде предизвикана од казната од 350 удари со камшик во Саудиска Арабија.
Седумдесет и четиригодишниот Карл Анде треба да се соочи со драконска казна откако минатата година во неговиот автомобил било откриено шише домашно вино. Саудиска Арабија има строги закони кои забрануваат алкохол.
Семејството вели дека нивниот татко, кој 25 години работел како директор во нафтена компанија, има многу слабо здравје затоа што има рак, а казната за него би била кобна.
Британската амбасада во Саудиска Арабија секојдневно е во контакт со затворениот, како и со адвокатот на семејството.
