fbpx

Приведен вработен во Државен пазарен инспекторат поради примање поткуп во радовишко

Тој вчера од двајца жители на радовишко примил 3.000 денари – пари кои претходно ги побарал од нив за да не констатира прекршок согласно своите должности

-

Инспектор вработен во Државниот пазарен инспекторат (ДПИ), инаку од радовишкото село Подареш, вчера бил лишен од слобода од страна на полицијата во Радовиш. Тој е приведен поради сомнение за сторено продолжено кривично дело „примање поткуп“.

Инспекторот бил вработен во ДПИ во Одделението за инспекциски надзор Струмица со градовите Гевгелија, Валандово и Радовиш.

Тој вчера од двајца жители на радовишко примил 3.000 денари – пари кои претходно ги побарал од нив за да не констатира прекршок согласно своите должности.

„На 21.11.2023 осомничениот од двајца жители на радовишко примил 3000 денари, кои претходно ги побарал од нив за да не констатира прекршок согласно Законот за изменување и дополнување на законот за забрана и спречување за вршење на нерегистрирана дејност, односно за да не преземе службено дејствие кое бил должен да го изврши“, информираа денеска од Министерството за внатрешни работи (МВР).

Во моментот кога е лишен од слобода, кај 33-годишниот К.Ѓ. од Подареш биле пронајдени парите што ги примил како поткуп.

Од дополнително преземените мерки, полицијата утврдила дека тој во периодот од јуни до ноември годинава во повеќе наврати од жители на Радовиш и радовишко примил пари во вкупен износ од 18.000 денари и 150 евра како поткуп.

Во еден случај примил поткуп за да не констатира прекршок по извршен надзор, а во останатите случаи поткупот го примил со цел да не изврши надзор кој бил должен да го изврши.

Инспекторот е задржан во полициската станица во Радовиш, а против него е најавена кривична пријава до Основното јавно обвинителство Струмица.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Од денеска граѓаните на Македонија, Србија и Албанија со слободен пристап до пазарот на трудот во „Отворен Балкан“

Граѓаните на Македонија, Србија и Албанија од денеска можат да ја користат мерката Слободен пристап до пазарот на трудот во рамки на „Отворен Балкан“, соопштија од Владата. Мерката произлегува од...